Policy, Planning and Risk Reduction Directorate General

Ishami rishinzwe Politiki, Igenamigambi no Kugabanya Ibyago bugira uruhare mu nshingano za Minisiteri binyuze mu bikorwa bikurikira:

1. Guhuza itegurwa ry’igenamigambi rya Minisiteri;
2. Gukurikirana no gusuzuma ishyirwa mu bikorwa ry’ibikorwa byateganyijwe mu mashami n’igenamigambi rya Minisiteri;
3. Gukora ku buryo raporo z’ibikorwa byakozwe zitangwa ku gihe;
4. Gukora ku buryo amakuru ya Minisiteri akusanywa mu buryo bwuzuye, asesengurwa kandi acungwa neza;
5. Gukora ku buryo hategurwa kandi hakavugururwa politiki, amategeko, ingamba n’igenamigambi by’igihugu bijyanye n’inshingano za Minisiteri;
6. Gukora ku buryo Politiki y’Igihugu yo Kugabanya no Gucunga Ibyago by’Ibiza ishyirwa mu bikorwa kandi igakurikiranywa;
7. Gushyiraho uburyo bwo gukorana no gufatanya n’abafatanyabikorwa batandukanye mu kugabanya no gucunga ibyago by’ibiza;
8. Gushyira mu bikorwa imikorere ya komite zishinzwe gucunga ibiza;
9. Guteza imbere ibikorwa byo kugabanya ibyago by’ibiza bishingiye ku baturage;
10. Guteza imbere gahunda zo kwegera no kwinjiza abaturage mu bikorwa;
11. Kongera ubukangurambaga no kubaka ubushobozi;
12. Kongera ubushobozi bwo kwihanganira ibiza no guteza imbere ingamba zo kubyitwaramo;
13. Kwitabira igenamigambi ry’igihugu hagamijwe ko kugabanya ibyago by’ibiza byitabwaho mu igenamigambi ry’inzego no mu igenamigambi ry’ingengo y’imari;
14. Gukurikirana no kugenzura iyubahirizwa ry’amategeko n’amabwiriza ajyanye no kugabanya ibyago by’ibiza mu nzego zitandukanye;
15. Gukwirakwiza, gukurikirana no kwagura ishyirwa mu bikorwa ry’ingamba zo gukumira no guhangana n’ingaruka;
16. Gutangiza no kwitabira itegurwa ry’imishinga ijyanye na Politiki, Igenamigambi no Kugabanya Ibyago;
17. Gukora ku buryo igihugu gitanga raporo ku byagezweho mu kugabanya no gucunga ibyago by’ibiza hakurikijwe gahunda zo ku rwego rw’akarere, umugabane n’isi yose.